मिति - २०८३-०५-३० आदरणीय अविभावक ज्यु, शिक्षक-कर्मचारी तथा प्यारा विद्यार्थीहरु ! विषय - सहयोग रकम हस्तान्तरण सम्बन्धमा । प्रस्तुत विषयमा २०८३ साल भदौ महिनाको १० गते बुधबार नेपाल-चीन सिमा रसुवाको भोटेकोशी नदिमा आएको विनाशकारी बाढीका कारण देशका विविन्न जिल्लाहरुमा घटेका अप्रिय घटनाले अझै पनि हाम्रो मन यथास्थितिमा छैन । यस दुःखद् घडीबाट प्रभावित सम्पूर्ण व्यक्तिहरुमा हाम्रो साथ, सहानुभूति तथा ऐक्यबद्धता रहेको छ। विपद्को यस कठिन समयमा हाम्रो विद्यालय परिवारले आफ्नो सामाजिक उत्तरदायित्वलाई आत्मसात् गर्दै अभिभावक, विद्यार्थी, शिक्षक-कर्मचारी तथा व्यवस्थापन पक्षको संयुक्त पहलमा केही सहयोग रकम संकलन गरि प्रधानमन्त्री दैवी प्रकोप उद्धार कोषमा सहयोग गर्ने निर्णय बमोजिम आज रु. १०२०००/- (रु. एक लाख दुई हजार मात्र) निजी विद्यालयहरुको छाता संगठन प्याव्सन, काठमाडौं मार्फत हस्तान्तरण गरेका छौँ । यस मानवीय कार्यमा साथ दिनुहुने सम्पूर्ण सहयोगी मनहरुलाई हार्दिक धन्यवाद तथा सम्मान। ❤️ सहयोग रकम निम्नानुसार संकलन गरिएको जानकारी गराउँदछाैं । अभिभावक/विद्यार्थी : २८,०००/- शिक्षक तथा कर्मचारी : ४४,०००/- व्यवस्थापन सदस्य : २०,०००/- विद्यालय कोषबाट : ५,००० /- विद्यालय चमेनागृह : ५,००० /- जम्मा सहयोग रकम : १,०२,००० /- हामी विश्वास गर्छौँ—शिक्षा केवल ज्ञान प्राप्त गर्नु मात्र होइन, मानवता र जिम्मेवारी सिक्नु पनि हो। विद्यालय प्रशासन महान सिद्वार्थ हाई स्कूल (+२)